- Advertisement -
تمنا ہے یہ آنکھوں کی ترا دیدار آ دیکھیں
کبھی روضہ ترا یا احمد مختار آ دیکھیں
شفا ہو جائے دم میں کشتۂ ہجر محمد کو
اگر وہ خواب میں بھی حالت بیمار آ دیکھیں
یہ دل تھا ان کا مسکن مت اجاڑ اس کو غم ہجراں
- Advertisement -
غضب آ جائے گا گر شاہ دیں مسمار آ دیکھیں
نہ کچھ مرنے کا غم ہو اور نہ کچھ شکوہ ہو فرقت کا
اگر حالت مری وہ سید ابرار آ دیکھیں
جو مداح نبی پر طعنہ زن ممتاز ہوتے ہیں
دکھائیں شعر اپنے اور مرے اشعار آ دیکھیں
مصنف:عبدالحلیم شرر
مزید کہانیاں پڑھنے کے لیے کلک کریں۔
- Advertisement -
