- Advertisement -
دن کو بھی اتنا اندھیرا ہے مرے کمرے میں
سایہ آتے ہوئے ڈرتا ہے مرے کمرے میں
غم تھکا ہارا مسافر ہے چلا جائے گا
کچھ دنوں کے لیے ٹھہرا ہے مرے کمرے میں
صبح تک دیکھنا افسانہ بنا ڈالے گا
- Advertisement -
تجھ کو اک شخص نے دیکھا ہے مرے کمرے میں
در بہ در دن کو بھٹکتا ہے تصور میرا
ہاں مگر رات کو رہتا ہے مرے کمرے میں
چور بیٹھا ہے کہاں سوچ رہا ہوں میں ظفرؔ
کیا کوئی اور بھی کمرہ ہے مرے کمرے میں
شاعر:ظفر گورکھپوری
مزید غزلیں پڑھنے کے لیے کلک کریں۔
- Advertisement -
